శ్రీ గీతా ధ్యానం

॥ శ్రీ గీతా ధ్యానం ॥

పార్థాయ ప్రతిబోధితాం భగవతా నారాయణేన స్వయం

వ్యాసేన గ్రథితాం పురాణమునినా మధ్యే మహాభారతమ్ |

అద్వైతామృతవర్షిణీం భగవతీమష్టాదశాధ్యాయినీం

అంబ త్వామనుసందధామి భగవద్గీతే భవద్వేషిణీమ్ || ౧ ||

 

నమోఽస్తు తే వ్యాస విశాలబుద్ధే

ఫుల్లారవిందాయతపత్రనేత్ర |

యేన త్వయా భారతతైలపూర్ణః

ప్రజ్వాలితో జ్ఞానమయః ప్రదీపః || ౨ ||

 

ప్రపన్నపారిజాతాయతోత్రవేత్రైకపాణయే |

జ్ఞానముద్రాయ కృష్ణాయ గీతామృతదుహే నమః || ౩ ||

 

సర్వోపనిషదో గావో దోగ్ధా గోపాలనందనః |

పార్థో వత్సః సుధీర్భోక్తా దుగ్ధం గీతామృతం మహత్ || ౪ ||

 

వసుదేవసుతం దేవం కంసచాణూరమర్దనమ్ |

దేవకీపరమానందం కృష్ణం వందే జగద్గురుమ్ || ౫ ||

 

భీష్మద్రోణతటా జయద్రథజలా గాంధారనీలోత్పలా

శల్యగ్రాహవతీ కృపేణ వహనీ కర్ణేన వేలాకులా |

అశ్వత్థామవికర్ణఘోరమకరా దుర్యోధనావర్తినీ

సోత్తీర్ణా ఖలు పాండవైః రణనదీ కైవర్తకః కేశవః || ౬ ||

 

పారాశర్యవచః సరోజమమలం గీతార్థగంధోత్కటం

నానాఖ్యానకకేసరం హరికథాసంబోధనాబోధితమ్ |

లోకే సజ్జనషట్పదైరహరహః పేపీయమానం ముదా

భూయాద్భారతపంకజం కలిమలప్రధ్వంసి నః శ్రేయసే || ౭ ||

 

మూకం కరోతి వాచాలం పంగుం లంఘయతే గిరిమ్ |

యత్కృపా తమహం వందే పరమానందమాధవమ్ || ౮ ||

 

యం బ్రహ్మా వరుణేంద్రరుద్రమరుతః స్తున్వంతి దివ్యైః స్తవైః

వేదైః సాంగపదక్రమోపనిషదైర్గాయంతి యం సామగాః |

ధ్యానావస్థితతద్గతేన మనసా పశ్యంతి యం యోగినో

యస్యాంతం న విదుః సురాసురగణా దేవాయ తస్మై నమః || ౯ ||

 

శ్రీ విఘ్నేశ్వర షోడశనామ స్తోత్రం

శ్రీ విఘ్నేశ్వర షోడశనామ స్తోత్రం

శుక్లాంబరధరం విష్ణుం శశివర్ణం చతుర్భుజమ్ |

ప్రసన్నవదనం ధ్యాయేత్సర్వవిఘ్నోపశాంతయేః ||

అభీప్సితార్థ సిధ్యర్థం పూజితో యః సురాసురైః |
సర్వవిఘ్నహరస్తస్మై గణాధిపతయే నమః ||

 

సుముఖశ్చైకదంతశ్చ కపిలో గజకర్ణకః ।

లంబోదరశ్చ వికటో విఘ్నరాజో గణాధిపః ॥ 1 ॥
ధూమ్ర కేతుః గణాధ్యక్షో ఫాలచంద్రో గజాననః ।

వక్రతుండ శ్శూర్పకర్ణో హేరంబః స్కందపూర్వజః ॥ 2 ॥

షోడశైతాని నామాని యః పఠేత్ శృణు యాదపి ।

విద్యారంభే వివాహే చ ప్రవేశే నిర్గమే తథా ।

సంగ్రామే సర్వ కార్యేషు విఘ్నస్తస్య న జాయతే ॥

విద్యార్థీ లభతే విద్యాం ధనార్థీ విపులం ధనమ్ |

ఇష్టకామం తు కామార్థీ ధర్మార్థీ మోక్షమక్షయమ్ ||

 

*********